السلام عليكم النهارده جيبين ليكم
مواقف اغبياء حصلت معاهم و بنحكيها عشان نضحك و نعرف ان قله التركيز ممكن تودي في مصيبه عشان كدا بنحكي المواقف ده من بوء الاشخاص الي حصلتلهم عشان الي اتلسع من الشوربه هينفخ في الزبادي
مواقف اغبياء
 |
| مواقف اغبياء |
- كنت بتمرن عن مهندس كبير الله يرحمه بقي
فقالي لو سمحت اعملي شاي☕ قلت عيوني فين الشاي قالي هتلقيه في ورقه عندك بصيت يمين وشمال لقيت ورقه
📄 ملفوفة فيها شاي بس ناعم جدا ولونه اسمر جامد مشغلتش بالي ورحت واخد ملعقتين وحططهم وحاطط سكر كانت الميه غلت رحت مفضي الميه ومدوب السكر وقلت له اتفضل احلي شاي☕ قالي تسلم واخد اول رشفه وراح بخخها في وشي بصيت له بغضب لقيت سنانه بقت سوده وشفيفه من المنظر جالي ضحك هستيري قالي انت عملي كوباية صبغة جزم عايز تموتني قلت له مش انت قلت الشاي في الورقه والصبغه شبه الشاي
- كنت مره عامله كشري في البيت و حطيت كل حاجه في صينيه كبييره وقلت ناكل قدام التليفزيون جيت اطلع بيها من المطبخ اتزنقت في الباب و اتقلبت كلها علي الارض و كان يوم ازرق في احمر
- في مره كانت طالع من الاداره الساعه 6 الصبح بالعربيه طالعين خدمه علي الطريق فقولت اخد معايه فطار من ورا الاداره ليا وللظابط وبعد كده بروح للظابط ونمشي علي طول المهم وانا ماشي لقيت طفل عنده بتاع 7سنين بيوقفني وبيعيط ف رحت واقف بقله في ايه قلي عديني من الكﻻب عشان خايف منهم ومتأخر علي الدرس وانا بخبتي نزلت من العربيه ومشيت معاه وعديته فابعد لما عديته وراجع عند العربيه فضلت واقف بتاع 5 دقايق متنح وبقول ايه اللي انا عملتوا ده طب ما كنت ركبتوا معايه بس غباء بقاااا
- زمان وانا عندي 3 سنين فرده شبشب اتقطعت فروحت حاططها ف الأرض ومغطيها بالطين ....أبويا سألني بتعمل ايه بقوله مستنيها تخضر وتطلع شجره شباشب نفس النوع ...طبعا مقولكمش اكلني علقه ع غباءي والحمد لله كبرت ودخلت طب
- في مره كنت بشد السابت وراحت شنطت بنتي بتاعت المدرسه وقعت من السابت علي حبال الغسيل بتاعت الدور الي تحت منينا رحت جريت ارن علي الشقه الي قصادنا وارن وارن وارن والمشكله الاكبر اني الشقه الي قصادنا فاضيه مش ساكنه هههه غباء
- بابا وانا صغيره كل يوم وانا رايحه الدرس يقولي سلميلي علي الاستاذ وقوليله بابا بيقولك خلي بالك م الذبون عشان غبي ومبيفهمش حاجه وانا أروح اقول للاستاذ كده فيضحك ويقولي ماشي وف أخر السنه أكتشفت أن الذبون ده يبقي أنا
- دلوقت حالا كنت ل نقابة المحامين المفروض انى محامى يعنى المهم اشتريت دمغه واكتشفت انى مش عارف ألزقها لفيت النقايه كلهااشوف حد يلزقهالى
ف كان شكلى عره اوى أدام الناس
- كنت بعمل كوباية نسكافيه بدل ما افضيه فى المج فضيته فى الزبالة وحطيت الكيسة فى المج
- شغال في محل واحد طلب مني فكة 200 جنيه اديت له ورقة ب100 ورقتين ب50 ومااخدتش منه ال200 جنيه
ساعتها حسيت اني مادة خام للغباء
و كدا خلصنا الجزء الاول من المواقف المضحكه
مواقف مضحكه عن الاغبياء
- ابدا ياسيدي كنت شغال في المطعم من يومين
لقيت طفل بتع ١٢ سنه ونظره البراءة في عينه بيقولي عمو معاك فكه عشره خمستين قولتله اها بطلع العشره جنيه خدها وجري
صاحبي كابتن واقف معاي بيقولي أجري وراه قولتله لا ياعم
والواد راجع بلعبه كده وماشي قدامي
- رحت السنترال عشان اعمل دقيقه تيلفون ونسيت ورنيت ع رقمى وفاجئه لقيت تيلفونى بيرن ف فتحت وقولت الو فاجئه سمعت صوت فى التلفون بتاع السنترال رحت سايب تلفونى وقولت الو فى التلفون بتاع السنترال ف سمعت صوت فى تيلفونى
- كان عندي 8 سنين ف امي ادتني 2 جنيه قالتلي هات بجنيه بيكنج بودر وبجنيه حلاوه بعد ماروحت عند البقال رجعت تاني لأمي أسألها أنهى جنيه بتاع الحلاوة وأنهى بتاع ال بيكنج بودر
- الله الواحد مش عارف يحكي ايه ولا ايه اصل ديه موهبه 😂 بس اققل حاجه عندي كنت فوق السطح. كنت بقشر برتقانه رميت البرتقانه من السطح وسبت القشر المشكله مش في كده المشكله ان انا مرمتش القشر بعدها ونزلت بيه من السطح عشان ارميه في الزباله موهبه موهبه يعني
- كان ليا عند وحده 20 جنيه قلتلي خدي 50 وهاتي 30 مكنش معايا غير 20 وقتها قلتلي هاتيهم ادتهملها بصت ف جيبها لقت ال 20 اللي انا لسه مديهملها قلتلي طلع معايا 20 اهو ورجعتهالي تاني وانا خدتها مبسوطه ومشيت
- كنت باكل كشري وماسك الموبيل في ايد والمعلقه في ايد ومركز اووي في الموبيل وبكتب رساله مهمة خلصتها وجيت اكل معلقه لقيت الموبيل في طبق الكشري وكنت فاكره المعلقه فضلت مصدوم حبه حلوين علي ما اكتشفت المصيبه الي انا عملتها
- يابشا انا بدور علي الفون بتاعي بفلاشه الفون والله
- كنت راجعه م الدرس ف يوم وانا ف ٣اعدادي ومتعوده العب بالطوب وانا ماشيه ع السكه كده ف المهم روحت ماسكه طوبه كبيره وروحت رمياها لفوق وطلعت اجري هوووب ببص لقيت الطوبه راشقه ف دماغي معرفتش ساعتها اعيط م الوجع ولا اضحك ع غبائي
- كنت فاعدادي وراكب الترام باخر فلوس فجيبي، سرحت وانا ماسك التذكرة ورحت مقطعها ديل دبور وبرضو مش واخد بالي، وطبعا جالي المفتش يسال عالتذكرة منطقتش، ربنا يستره واحد جاري اكبر مني شافني قام جالي ودفعلي تذكرة
و كدا خلص معانا مواقف اغبياء مضحكه الجزء الثاني لو عجبك و حابب ترجع للجزء الاول من هنا (مواقف اغبياء الجزء الاول)
0 تعليق على موضوع : مواقف اغبياء الجزء الثاني
الأبتساماتأخفاء الأبتسامات